Çулталăк пуçланнăранпа пирĕн республикăри 8,9 пин ме­дицина ĕçченĕ Раççей Социаллă фончĕн Чăваш Енти уй­рăмĕ урлă ятарлă тÿлеве тивĕçрĕ. Кун пек пулăшăва сывлăх сыхлавĕн пĕрремĕш звенинче ĕçлекенсене, районти тĕп больницăра, участокри больницăсенче тата васкавлă пулă­шу уйрăмĕсенче тăрăшакансене параççĕ. Кăçал çакăн пек тÿлев валли 1438,1 млн тенкĕ уйăрнă. Тÿлев калăпăшне ĕç кăтартăвне тата миçе сехет ĕçленине пĕрле хушса тĕпе хур­са тÿлеççĕ.

Пулăшăва обязательнăй медицина страхованийĕн про­граммине хутшăнакан тата патшалăх, муниципалитет сывлăх сыхлав системине кĕрекен врачсене тата вăтам медицина персоналĕсене параççĕ. Тÿлев калăпăшĕ – 4,5 пин тенкĕрен пуçласа 50 пин тенкĕ таранччен. Мĕн чухлĕ тÿлесси медици­на организацийĕнчен, специалист категорийĕнчен тата мĕн­ле яллă вырăнта ĕçленинчен килет.

Чи пысăк тÿлев виçи – 50 пин тенкĕ – 50 пинрен пысăк мар яллă вырăнта ĕçлекен врачсем валли. Фельдшерсемпе мед­сестрасене, акушерсене 30 пин тенкĕ тÿлеççĕ.

Патшалăх пулăшăвне заявлени çырмасăрах медицина орга­низацийĕсен электронлă сведенийĕсене тĕпе хурса параççĕ. Укçана сведени илнĕ хыççăн 7 ĕç кунĕнче çирĕплетеççĕ.