Мускаври «Ылтӑн кӗркунне» курава республикӑри 40 ял хуҫалӑх произво­дителӗ хутшӑннӑ. Экспозицие тӑватӑ бренд тавра тунӑ.

«Симӗс ылтӑн» хӑмла туса илессине кӑтартать. «Пылак ылтӑн» хурт-хӑмӑр, ӳсен-тӑран, гастрономи тата ял туризмне пӗрлештернӗ. «Тутлӑ ылтӑн» тирпейлекен предприятисен продукцине кӑтартнӑ. «Ӑслӑ ылтӑна» Чӑваш Ен ял хуҫалӑхӗн тухӑҫлӑх­не ӳстерекен малта пыракан технологисем­пе цифра йышӑнӑвӗсем кӗнӗ.

Ҫӗршывӑн аграри куравне хутшӑннин кӑтартӑвӗ – республикӑн Министрсен Ка­бинечӗпе Россельхозбанк 2026 – 2030 ҫул­сенче килӗштерсе ӗҫлесси ҫинчен калакан ҫул-йӗр карттине алӑ пусни. Ҫавӑн пекех – Раҫҫейри «Техмашхолдинг» компанисен уш­кӑнӗ хӑмла пуҫтаракан пӗрремӗш комплекса хута ярасси ҫинчен калакан акта ҫирӗплетни. Техникӑна "Балтика" компание панӑ.

Чӑваш Ен Пуҫлӑхӗ Олег Николаев каланӑ тӑрӑх, ҫак "ылтӑн" брендсем регион техно­логисене, тирпейлессине тата ҫӗнӗ рынок­сене шаннине кӑтартаҫҫӗ.