Сире Ял хĕрарăмĕн кунĕ ячĕпе пĕтĕм чун­тан саламлатăп! Çак уяв сирĕн пуçарăва тата пулăшăва пула çуралчĕ. Сирĕн ырми-канми ĕçĕр, тăван киле, çывăх çынсене юратни чăннипех пурин умĕнчи тава тивĕçлĕ.

Эсир – кил хăтлăхĕн, йăла-йĕркен тата чун ăшшин управçисем. Ахальтен мар халăхра çапла калаççĕ: «Кил ăшши – хĕрарăмран». Тăван çĕршыва юратни, çемьешĕн тăрăш­ни, куллен-кунхи ĕç, çулталăкăн кирек хăш вăхăтне пăхмасăр, çĕр çинчи пурнăçăн никĕсĕ пулса тăраççĕ. Эсир ачасене воспи­тани паратăр, хуçалăх тытса пыратăр, мăн асатте-асаннесен йăли-йĕркине упратăр, çав вăхăтрах хальхи вăхăтри, ĕçлĕ тата ăнăçул­лă хĕрарăмсем пулса юлатăр.

Уй-хир тата ферма ĕçченĕсем, агропро­мышленность комплексĕнче вăй хуракан­сем, ялти учительсем тата врачсем, фельд­шерсем тата культура ĕçченĕсем – кашниех тăван ял пурнăçне хăйĕн тÿпине хывать.

Çирĕплĕхшĕн тата ăслăлăхшăн, килĕшÿре пурăнма тата кашни кунпа савăнма пĕл­нĕшĕн сире çĕре çити тайма пуç. Çак кун савăнăç тата лайăх кăмăл кÿтĕр! Сире тата сирĕн çемйĕрсене çирĕп сывлăх, ырлăх-пур­лăх, мир тата телей сунатăп!

Чăваш Республикин Пуçлăхĕ Олег НИКОЛАЕВ.