«Сывлӑх» спорт шкулӗнче черетлӗ спорт уявӗ – Раҫҫей Федерацийӗн ял хуҫалӑхӗн тава тивӗҫлӗ ӗҫченӗ, «Хисеп палли» орден кавалерӗ Платон Павлович Давыдов ячӗпе волейбол турнирӗ иртрӗ.

са ирттернӗ 13-мӗш турнир регион­сем хушшинчи шая тухрӗ. Ӑмӑртӑва 12 команда килчӗ: Муркаш округӗпе Чӑваш Ен спортсменӗсем ҫумне Йошкар-Олари, Хусанти, Чулхулари, Самарти тата Киров облаҫӗнчи ко­мандӑсем хутшӑнчӗҫ.

Площадкӑра Платон Павловичӑн пысӑк ҫемйи, унӑн тусӗсем, юл­ташӗсем тата округри ял хуҫалӑх предприятийӗсен ертӳҫисем пулчӗҫ.

Муркаш округӗн пуҫлӑхӗ Алек­сандр Иванов каланӑ тӑрӑх, Платон Павлович тӑван ен историйӗнче тарӑн йӗр хӑварнӑ. Хӑйӗн ӗҫӗпе Муркаш ҫыннисен нумай ӑрӑвне хавхалантарнӑ. 30 ҫул ытла мал­та пыракан хуҫалӑхсенчен пӗрне – Раҫҫей ял хуҫалӑх наукисен ака­демийӗн Пӗтӗм Раҫҫейри ҫӗр улми институчӗн «Ударник» предприятине ертсе пынӑ. Вӑл Муркаш районне Раҫҫейӗпех чапа кӑларнӑ. Платон Павлович районпа республикӑн об­щество пурнӑҫне хастар хутшӑннӑ.

Спорт уявне Анжелика Милосер­дина тата Муркаш ача-пӑча искус­ство шкулӗн «Фантази» ташӑ кол­лективӗ уҫрӗҫ.

Турнира йӗркелекенӗ, Муркаш муниципалитет округӗн волейбол Федерацийӗн председателӗ, депу­татсен округри Пухӑвӗн председа­телӗ тата Платон Павловичӑн ывӑлӗ – Александр Давыдов – ҫамрӑк ташӑҫӑсене, волейболистсен коман­дисене асӑнмалӑх парнесем пачӗ.

«Паян кунта Атӑл ҫи тӑрӑхӗнчи во­лейболистсен чи вӑйлӑ командисем пухӑннӑшӑн питӗ савӑнатӑп. Тавах сире пирӗн аттене асра тытнӑшӑн», – пурне те ҫӗнтерӳсем сунчӗ Алек­сандр Платонович.

Турнира хутшӑнакансене Платон Павловичӑн хӗрӗ Людмила Музяко­ва та тав сӑмахӗ каларӗ, волейбо­листсене ӑнӑҫлӑ вӑйӑ сунчӗ.

Спортсменсене ҫавӑн пекех шал­ти ӗҫсен службин полковникӗ Алек­сандр Степанов, Чӑваш Ен волейбол Федерацийӗн президенчӗ Юрий Кис­лов, Олимп чемпионки Валентина Егорова тата депутатсен округри Пухӑвӗн депутачӗ Павел Вязов, «Сывлӑх» спорт шкулӗн директорӗ Александр Куликов ӑнӑҫу сунчӗҫ. Платон Давыдовӑн тусӗсемпе юл­ташӗсем – округри АПК ветеранӗсен канашӗн председателӗ Юрий Ива­нов тата Алексей Скворцов ӗҫ вете­ранӗ – Платон Павловичпа ӗҫленӗ ҫулсене ӑшшӑн аса илчӗҫ.

Ҫӑмӑл мар вӑйӑсен кӑтартӑвӗсем тӑрӑх Шупашкар хулинчи «Лава» команда пӗрремӗш вырӑн йышӑн­чӗ, Муркаш округӗнчи «МетПласт» команда – 2-мӗш вырӑнта тата Чул­хулари «Главспорт» команда 3-мӗш вырӑн йышӑнчӗ.

Чи лайӑх вылякансем:

«Чи лайӑх ҫыхӑнтаракан» – Да­ниил Кузнецов, «Лава» – Шупаш­кар хули.

«Чи лайӑх блокировщик» – Денис Юрьев, «Главспорт» – Чулхула.

«Чи лайӑх диагональный» – Алексей Громов, «Лава» – Шупаш­кар хули.

«Чи лайӑх либеро» – Александр Ермолаев, «МетПласт» – Муркаш.

Турнир вӗҫленнӗ май Людмила Музякова, Платон Давыдов хӗрӗ, спортсменсене тав турӗ: «Па­ян турнира 12 команда килчӗ, ку питӗ лайӑх. Тавах сире пирӗн ат­тене асра тытнӑшӑн. Ку пирӗншӗн питӗ пӗлтерӗшлӗ те хаклӑ. Вӑл пирӗнтен уйрӑлнӑранпа 14 ҫул ир­трӗ ӗнтӗ. Платон Павлович тӑван тӑрӑхра та, районта та спорт ме­роприятийӗсене ирттерме яланах пулӑшнӑ. Сире хастар вӑйӑшӑн тав тӑвас килет. Эсир чӑн-чӑн спорт хастарлӑхне кӑтартрӑр, ҫӗнтерес кӑмӑлӑра кӑтартса юлашки мечӗке иличчен кӗрешрӗр. Сире сывлӑх, юрату, ҫемьесенче ырлӑх сунатӑп, сирӗн ҫул ҫинче лайӑх ҫынсем ҫеҫ пулччӑр. Ҫӗнӗ тӗл пулусем ҫитич­чен!».

Александр Давыдов, Платон Да­выдов ывӑлӗ, сӑмаха малалла тӑ­срӗ: «Волейбол – команда вӑййи. Ӑмӑрту кӑтартӑвӗ – пӗтӗм коман­да тӑрӑшнин пӗтӗмлетӗвӗ. Кашни вӑйӑ хумхануллӑ пулчӗ, вылякан­сем йӑнӑшас мар тесе тӑрӑшрӗҫ, хӑватлӑ та тӗрӗс пассем пачӗҫ. Пурте ҫӗнтерме тӑрӑшрӗ, турнир чи лайӑххисене палӑртрӗ. Питӗ лайӑх кӑмӑл-туйӑм тата спорт хӗрӳлӗхӗ – акӑ мӗн парнелерӗ пире паянхи кун. Турнир вӗҫленчӗ, анчах волейболпа спорт ҫакӑнпа вӗҫленмеҫҫӗ. Тавах сире вӑйӑшӑн».

14-мӗш турнир ҫитес ҫул яланхи пекех ял ӗҫченӗсен уявӗ умӗн иртӗ.

Анатолий ИВАНОВ.