Октябрӗн 24-мӗшӗнче, шӑматкун, Муркаш ялӗнче «Тыр-пул кунӗ» уяв пулать.

9 сехетрен пуҫласа «Кӗр парнисем» курав-ярмӑрккӑ ӗҫлӗ. Ял хуҫалӑх предприятийӗсем, шкулсем тата уй­рӑм хуҫалӑхсем хӑйсен чи лайӑх про­дукчӗсемпе паллаштарӗҫ. Ҫавӑн пе­кех суту-илӳ речӗсемпе обществӑлла апатлану точкисем уҫӑлӗҫ.

10 сехетре Муркаш шкулӗн стади­онӗнче мини-футбол енӗпе округ чем­пионачӗ иртӗ.

Ҫав вӑхӑтрах вӗренӳ пайӗн метод­кабинетӗнче ҫут ҫанталӑк матери­алӗсенчен хатӗрленӗ ача-пӑча пулта­рулӑхӗн куравӗ уҫӑлӗ.

11 сехетре уява савӑнӑҫлӑ ла­ру-тӑрура уҫӗҫ. Музыкӑпа хорео­графи композицине шӑрантарӗҫ, ертӳҫӗсем тухса калаҫӗҫ, паллах, ял ӗҫченӗсене чыслӗҫ.

12 сехетрен пуҫласа 14 сехетчен округри чи лайӑх коллективсем хут­шӑннипе пысӑк уяв концерчӗ иртӗ.

Тата мӗн интересли пулӗ?

˜ Хальхи ял хуҫалӑх техникин выставки: кунта агропромышленноҫ комплексӗн ҫӗнӗлӗхӗсене курма пу­лать.

˜ Интерактивлӑ конкурссем: тырра кам хӑвӑртрах суйланине; йывӑҫсене йывӑҫ вуллисем тӑрӑх, ҫамрӑк вӑр­манҫӑсем пулӑшнипе, пуринчен те лайӑхрах уйӑрнине пӗлӗпӗр.

Уявра техӗмлӗ плов, дамлама пулӗ. Пухнӑ укҫа-тенкӗ пирӗн салтаксене пулӑшма кайӗ. Кашни порци – пӗрле­хи Ҫӗнтерӗве тӳпе хывни.

Мероприятие «Раҫҫей ялӗ» парти проекчӗ пулӑшнипе йӗркелеҫҫӗ.