Итакачкассинчи Валерий Егоров фермертан черетлĕ хут ырă хыпар пĕлтĕмĕр.

Вăл – Раççей Федерацийĕн Ял хуçалăх министерстви йĕркеленĕ мас­штаблă проектăн – «МедиаПоле» наци премийĕн – финалисчĕ. Савăнăçлă пĕтĕмлетÿ кăçал Санкт-Петербург ху­линче иртет, пĕлтĕр церемони Мускавра пулчĕ. Финала лекес текенсенчен пĕтĕм Раççейĕпе 2000 ытла заявка йышăннă. Финала вара 120-ĕн тухнă, вăл шутра – пирĕн ентеш.

Агроблогер агротуризмпа кăсăкла­нать. «Маншăн çакă конкурс кăна мар. Хамăн ĕçсенче эпĕ фермер пурнăçĕ, ял хуçалăхĕнчи çĕнĕлĕх пирки кала­са кăтартатăп. Ялта ĕçлесе аталанма, япăх мар пурăнма тата хамăрăн пурнăçа тĕпрен улăштарма май пуррине тĕслĕх­семпе çирĕплететĕп. Çитес вăхăтра Чăваш Енти ял пурнăçне анлăн сăнланă медиапроектпа Санкт-Петербургра пал­лаштаратăп», – терĕ Валера.

Мĕнех, ăнăçу сунатпăр. Çĕнтерÿпе кĕ­тетпĕр.