2026 ҫулхи январь – сентябрь уйӑхӗсенче республикӑри хуҫалӑх­сем (килти хушма тата фермер хуҫалӑхӗсене те кӗртнӗ) пӗтӗмӗшле 393 пин тонна сӗт туса илнӗ.

Пысӑк тата вӑтам ял хуҫалӑх пред­приятийӗсем 192 пин тонна сӗт туса илнӗ, ку пӗлтӗрхи ҫак тапхӑртинчен 3,7 процент нумайрах.

Пӗтӗмӗшле 33,3 пин тонна сӗт суса «ЧебоМилк» ООО малта пырать, ун хыҫҫӑн – «Куснар» агрофирма» АО (15,1 пин тонна), «Чурачикское» АО (11,6 пин тонна) тата «Вӑрнар аш-какай комбиначӗ» АО (10,6 пин тонна). Ҫак хуҫалӑхсенче пӗр ӗнерен вӑтам сӑвӑм 6495 кг пулнӑ.

Октябрӗн 1-мӗшӗ тӗлне респу­бликӑри ял хуҫалӑх предприятийӗсенче ӗне шучӗ 1,9 процент ӳссе 30,3 пин пуҫа ҫитнӗ.