Салтаксене çара ăсатас тапхăр пырать. Тăван çĕршыв хÿтĕлевçисене такăр çул тата ăнăçу сунатпăр.

Октябрĕн 12-мĕшĕнче Муркаш тата Элĕк районĕсен çар комиссариатĕнчен пĕрремĕш парти – тăхăр салтак – вăрăм çула тухрĕ.

Тăхăр çынран виççĕшĕ – Элĕк окру­гĕнчен, ыттисем – Муркаш округĕнчен. Вĕсене чи малтанах çар вĕренĕвĕн чаçне илсе каяççĕ, çар ĕçĕнче кирлĕ малтанхи пĕлĕве хăнăхтараççĕ. Тăхăр салтак типĕ çĕр çар пайне каять.

Октябрĕн 20-мĕшĕнче вунă салта­ка çара ăстарĕç. Çиччĕшĕ – Муркаш тăрăхĕнчен, виççĕшĕ – Элĕк округĕнчен. Вĕсене пурлăхпа, техникăпа тивĕçте­рессин пайне илсе каяççĕ.

Октябрĕн 26-мĕшĕнче çар комисса­риачĕ урлă ДОСААФра вĕренсе «С» категори илнĕ виçĕ водитель çар ретне тăрать. Вĕсем пурте Муркаш тăрăхĕн­чен.

Роза ИЛЛАРИОНОВА