Республикӑра кӗрхи ӗҫсем вӗҫленсе пыраҫҫӗ. Регионти аграрисем апат- ҫимӗҫ хӑрушсӑрлӑхне пысӑк тӳпе хывса, пысӑк кӑтартусем тӑваҫҫӗ.

Ҫӗр улми ӳстерекенсемшӗн тапхӑр уйрӑмах ӑнӑҫлӑ пулчӗ. Кӑҫал тухӑҫ енӗпе кӑтартусем – гектартан 320 цент­нера яхӑн. Пӗтӗмпе ӑна 119 пин тоннӑ­на яхӑн пухса кӗртнӗ. Ҫак культурӑна лартакан ҫирӗм муниципалитет окру­гӗнчен вун иккӗшӗнче ӗҫсем пӗтӗмпех вӗҫленнӗ.

Уҫӑ ҫӗрти пахча ҫимӗҫе: купӑстана, кӑшмана, сухана пуҫтарса кӗртесси малалла пырать. Вӗсене 19 пин тонна ытла хатӗрленӗ. Юлнӑ лаптӑксен пысӑк пайӗ – кая юлса пулакан купӑста.

Техника культурисене 76 пин тонна ытла пухса кӗртнӗ.