«Хӑвӑнне суйла» парти проекчӗн координаторӗ, Раҫҫей Федерацийӗн Патшалӑх Думин депутачӗ Сергей Морозов тата Чӑваш Республикин Промышленноҫпа энергетика министерствин ертӳҫи Марат Якушев «Сеспель» предприятие ҫитсе курчӗҫ.

Завод энергие перекетлекен хӑйне евӗрлӗ инновациллӗ технологисемпе ӗҫлет: 3d сваркӑпа тата касмалли лазерпа, пӑтраштарса сӑтӑрнипе сварка тӑвассипе, роботпа сӑрлассипе, композитлӑ тӗпсем тумалли оборудованипе. «Сеспель» ҫурма прицепсем, шасси ҫинчи цистернӑсем, танк-контейнерсем, тырӑ турттармаллисем, цементовозсем, бензовозсем, битумовозсем, газовозсем, шыв турттармаллисем, спиртовозсем, алюмини шӑранчӑкӗсене пӑтратса сӑтӑрмалли сварка оборудованийӗ, тӗнӗл агрегачӗсем туса кӑларать. Предприятире дизель-генератор тата электродвигатель ҫинче ӗҫлекен погрузчиксем кӑлармалли проектпа паллаштарчӗҫ. Раҫҫей Федерацийӗн Патшалӑх Думин депутачӗ Сергей Морозов республикӑри машиностроительсен потенциалӗ пысӑк пулнине палӑртрӗ.