Ялти хĕрарăмсен кунне республикăра çуллен октябрĕн 16-мĕшĕнче паллă тума пуçлаççĕ. Çĕнĕ уява палăртасси çинчен калакан указа Чăваш Республикин Пуçлăхĕ Олег Николаев алă пуснă.

Республикăри Хĕрарăмсен союзĕ тата «Пĕрлĕхлĕ Раççей» партин «Хĕрарăмсен юхăмĕ» проектпа тунă пуçарăвне республика ертÿçи ырланă. Республикăра çынсен виççĕмĕш пайĕ ялта пурăнать, вĕсенчен ытларахăшĕ – хĕрарăмсем. Вĕсем çĕр çинче ĕçлеççĕ, пĕлÿ параççĕ, сиплеççĕ, хăтлă пурнăç тăваççĕ. Çĕнĕ уяв – вĕсен ĕçне пысăка хурса хаклани, палăртнă Сергей Артамонов премьер-министр.