Чӑваш Енри хуласемпе ялсенчи пурнӑҫ ҫынсем хӑйсем тӑрӑшнипе хӑтлӑрах пулса пырать. Правительство ҫуртӗнчи эрнесерен иртекен планеркӑра «Ниме – халӑх бюджечӗ» программӑна пурнӑҫлассипе ӗҫ мӗнле пынине сӳтсе яврӗҫ.

2026 ҫулта ӗҫсен калӑпӑшӗ тӗлӗнтерет: республикӑра пурӗ 1841 пуҫарулӑх проектне 5 миллиард ытла тенкӗлӗх пурнӑҫа кӗртме палӑртаҫҫӗ. Проектӑн тӗп пайӗ – 1553-шӗ – ял территорийӗсене лекет. «Ниме – халӑх бюджечӗ» программа – хӑйӗн картишӗнчи е урамӗнчи улшӑнусемшӗн сасӑланӑ кашни ҫын умӗнчи пирӗн тӳрӗ обязательство. Ҫакӑн пек кашни пуҫару – пӗр сӑмахсӑр приоритет, вӗсем ҫынсем халӗ кӗтекен чӑн-чӑн улшӑнусем. Ҫавӑнпа нимӗнле тӑхтав та тума юрамасть. Муниципалитетсен пуҫлӑхӗсем графиксене пӑхӑнассишӗн кашни яваплӑ», – палӑртрӗ Чӑваш Ен Пуҫлӑхӗ Олег Николаев.

Олег Николаев пуҫарнипе пурнӑҫланакан «Ниме – халӑх бюджечӗ» программа 2025 ҫулта аталанӑвӑн ҫӗнӗ хӑватне илчӗ. Заявкӑсен шучӗпе чарусене пӑрахӑҫлани тата ҫул-йӗре анлӑлатни ҫынсен хастарлӑхне ӳстерчӗ. Республика правительствипе «Единая Россия» парти хӑйсен вӑйӗсене пӗрлештерсе «Городская среда» тата «Российское село» проектсем урлӑ республика сӑн-сӑпатне тӗпрен улӑштараҫҫӗ. Аукционсем вӗҫленсенех подрядчиксем ӗҫе тытӑнӗҫ. Кӑҫалах ҫынсем хӑйсен пуçарăвĕпе ҫӗнӗ ҫулсем, хальхи картишсем тата хӑтлӑ парксем пулса тӑнине курӗҫ. Муркаш округӗнче 86 пуҫарулӑх проектне пурнӑҫа кӗртме палӑртаҫҫӗ.