Муркаш муниципалитет округĕн кубокĕшĕн йĕлтĕрпе эстафетăра чупассипе ăмăрту мартăн 21-мĕшĕнче пулать. Вăл Муркашри йĕлтĕр базинче иртет. Ăмăртăва предприятисемпе организацисен, учрежденисен, учительсен коллективĕсен, территорисен пайĕсен, округ администрацийĕн командисем хутшăнаççĕ.

Командăра 2 арçынпа 2 хĕрарăм пулмалла. Дистанци – 1 километр. Ăмăрту ертÿçĕсем старта тухнипе пуçланать. Спорт уявĕнче салам сăмахĕ пулĕ, юрă-кĕвĕ янăрĕ, буфет ĕçлĕ. Пурне те 10 сехете йыхравлаççĕ, кичем пулмĕ.

Йĕркелÿ комитечĕ.