Муркаш округĕнче пултарулăх ушкăнĕсен «Чечеклен, юратнă Муркаш ен» фестиваль вĕçленчĕ. Вăл темиçе эрнене тăсăлса округăн тĕрлĕ кĕтесĕнчи талантсене пĕрлештерчĕ, вĕсен пултарулăхне тĕрĕслерĕ, ăсталăхпа пĕр-пĕрне паллаштарчĕ.

Мартăн 9-мĕшĕнче Кашмашри Культура çуртĕнче премьера иртрĕ. Кашмашри халăх театрĕ Арсений Димитриев режиссер ертсе пынипе Александр Пăртта пьеси тăрăх «Укçа чул кастарать» трагикомеди лартрĕ.