Ытларикун Муркаш муниципалитет округӗн депутатсен Пухӑвӗн черетсӗр ларӑвӗ иртрӗ. Унта Алексей Матросов пуҫлӑхӑн хӑйӗн ирӗкӗпе отставкӑна кайнипе полномочийӗсене срокчен пӑрахӑҫласси ҫинчен калакан заявленине пӑхса тухрӗҫ.

Алексей Матросов Муркаш муниципалитет округне 2022 ҫулхи июнь уйӑхӗнченпе ертсе пынӑ. Депутатсем Алексей Николаевича ӗҫленӗшӗн тав сӑмахӗ каларӗҫ. Вӑл депутатсене пӗрле ӗҫленӗшӗн, округ аталанӑвӗн программисене пурнӑҫа кӗртме пулӑшнӑшӑн тав сӑмахӗ каларӗ. Депутатсем Алексей Матросовӑн заявленине тивӗҫтерчӗҫ. Ларура ҫавӑн пекех ытти ыйтӑва та пӑхса тухрӗҫ.