Ыран йĕлтĕрпе чупассипе Пĕтĕм Раççейри массăллă «Раççей йĕлтĕр йĕрĕ» ăмăрту иртет. Муркаш тăрăхĕнче пурăнакансем те çулленех çак ăмăртăва хастар хутшăнаççĕ.

Ăмăрту тĕрлĕ предприятипе организаци, учрежденипе территори пайĕн ертÿçисем старта тухнипе пуçланать. Тĕрлĕ çулти ачасем валли тĕрлĕ дистанци палăртнă. Старта ветерансене те ырă сунса кĕтеççĕ. Ача садне çÿрекенсем малтанхи кун вырăнти трассăсем çинче ăмăртаççĕ. Спорт уявĕ 11 сехетре Муркашри йĕлтĕр базинче пуçланать.