«Тӑрӑшнине кӑтарт – пӑхма вӗрент» проекта малалла тӑсатпӑр. Унӑн тӗллевӗ ансат: ҫын больницӑна килеймесен медицина хӑй ун патне пырать. Ветерансем, Тӑван ҫӗршывӑн Аслӑ вӑрҫин ачисем тата пирӗн паттӑрсем – СВО-на хутшӑнакансем – пулӑшӑва туйса тӑни пирӗншӗн питӗ пӗлтерӗшлӗ. Кун пирки Чӑваш Республикин Пуҫлӑхӗ Олег Николаев хӑйӗн телеграм-каналӗнче пӗлтерчӗ.

2025 ҫулхи кӑтартусем ҫак диспансеризаци формачӗ мӗн тери кирлине кӑтартаҫҫӗ: 500 ытла консультаци, килте вун-вун тӗрӗслев ирттернӗ. Анчах чи кирли – «Пӑхмалли шкул». Ҫывӑх ҫыннисем хӑнӑхнӑ кил-тӗрӗшре професси пулӑшӑвӗ илччӗр тесе вӗсен тӑванӗсене ку енӗпе пӗлӳ паратпӑр. 2026 ҫулта ҫак ҫул-йӗре вӑйлатӑпӑр. «Вӑрӑм та хастар пурнӑҫ» нацпроект пулӑшнипе хушма специалистсене явӑҫтарӑпӑр. Пирӗн тӗллев – кашни яла, пулӑшу кирлӗ кашни киле ҫитесси. Тухтӑрсен округсене ҫитес вӑхӑтра каймалли графикӗпе малашне паллаштаратӑп.