Муркаш муниципалитет округӗн культура ӗҫченӗсен 2025 ҫулхи ӗҫ пӗтӗмлетӗвӗпе тата 2026 ҫулхитӗллевсене палӑртассипе канашлу иртрӗ.

Унта Муркаш муниципалитет округ пуҫлӑхӗн социаллӑ ыйтусемпе ӗҫлекен ҫумӗ Зоя Дипломатова, Муркаш муниципалитет округӗн депутатсен Пухӑвӗн социаллӑ пурнӑҫпа культура ӗҫӗ-хӗлӗ, сывлӑх сыхлавӗ, вӗренӳ, ҫамрӑксен политикипе спорт енӗпе ӗҫлекен яланхи комисси председателӗ Александр Давыдов хутшӑнчӗҫ. Округ администрацийӗн культурӑпа архив ӗҫӗн пайӗн пуҫлӑхӗ Любовь Рыжкова отрасль ӗҫӗ пирки доклад турӗ. Паян округӑн культура сферинче 44 клуб, 31 библиотека тата 3 музей, вӗсенче 125 ҫын вӑй хурать. Отрасль бюджечӗ 156, 9 млн тенкӗпе танлашнӑ.