Çак эрнере эпир Раççей тата Чăваш пичечĕн кунĕсене паллă тăватпăр.

«Çĕнтерÿ ялавĕн» паянхи номерĕ 3121 экземплярпа пичетленчĕ. Вулакансем хаçата йышлă çырăнни редакцире ĕçлекенсене тăрăшса вăй хума хистет. Редакци коллективĕ интернет уçлăхĕнче те ăнăçлă ĕçлет. Вулакансем пирĕн хыпарсемпе хаçат сайтĕнче, Одноклассники тата ВКонтакте социаллă сетьсенче, Телеграм мессенджерта паллашма пултараççĕ. Пичет кунĕсемпе вулакансене, хастар почтальонсене, редакципе çыхăну тытакансене, ялкорсене тата ветерансене саламлатпăр! Çĕнĕ çулта çĕнĕ ÿсĕмсем тата сывлăх сунатпăр.