Муркаш округӗн пуҫлӑхӗ Алексей Матросов ятарлӑ ҫар операцине хутшӑнакан салтаксен амӑшӗсене медальсем панӑ. Вӗсен ывӑлӗсем ҫар задачисене пурнӑҫланӑ чухне паттӑрлӑхпа хӑюлӑх кӑтартнӑ.

«СВО-на хутшӑнаканӑн амӑшне» медальсене Рената Смирновӑпа Ирина Зубкова амӑшӗсем тивӗҫнӗ. Медальсене ҫар чаҫӗн командованийӗ пуҫарнипе панӑ, унта вӗсен ывӑлӗсем хӗсметре тӑраҫҫӗ. Алексей Матросов «СВО-на хутшӑнаканӑн арӑмне» медале СВО-на хутшӑнаканӑн мӑшӑрне Наталия Зубковӑна панӑ. Округ пуҫлӑхӗ Тӑван ҫӗршыв хӳтӗлевҫисен пур амӑшне те тав сӑмахӗ каланӑ. «Эсир пирӗн ҫӗршыва хӑюллӑн хӳтӗлеме каякан, хӑйсен тивӗҫне ҫирӗп те шанчӑклӑ пурнӑҫлакан ывӑлсем ҫитӗнтернӗ», – тесе палӑртнӑ вӑл. Чыслава вӗренӳ пайӗн ертӳҫи Зоя Дипломатова хутшннӑ.