Кӗркуннеренпе Гостехнадзор инспекторӗсем ҫӗнӗ ял хуҫалӑх техникин 94 единицине регистрациленӗ. Округсенчи машинӑпа трактор паркӗ палӑрмаллах улшӑнать, ҫакӑ ытларах чухне патшалӑх пулӑшӑвӗн мерисене пула май килет.

Муркаш округӗнче харӑсах темиҫе хуҫалӑх техникӑна ҫӗнетес утӑм тунӑ. Суворов ячӗллӗ хуҫалӑх ПСГ-6,5 ҫӗнӗ ҫурма прицеп туяннӑ. Владимир Федоровӑн фермер хуҫалӑхӗнче халӗ склад валли кирлӗ вилка автопогрузчик ӗҫлет. «Ударник» парка телескоплӑ погрузчикпа вӑйлатнӑ. Владимир Иванов хуҫалӑхӗнче вара «Беларуҫ-952.3» трактор ӗҫе тытӑннӑ. Регистраци умӗн кашни машина техосмотр витӗр тухнӑ. Инспекторсем унӑн юсавлӑхне, хӑрушсӑрлӑхне, аптечка, огнетушитель тата авариллӗ чарӑну палли пуррине тӗрӗсленӗ.