Муркаш муниципалитет округӗнчи ял хуҫалӑх предприятийӗсенче тата хресчен (фермер) хуҫалӑхӗсенче техникӑна упрама лартмалли смотр-конкурса пӗтӗмлетнӗ.

Смотр-конкурс ҫӗнтерӳҫи – Суворов ячӗллӗ хуҫалӑх, вӑл чи нумай балл пухнӑ. 2- мӗш вырӑнта – Е`. Андреев ячӗллӗ хуҫалӑх тата Чкалов ячӗллӗ хуҫалӑх. 3-мӗш вырӑнта – Скворцов И. Г. хресчен (фермер) хуҫалӑхӗ. Ҫакна палӑртма кӑмӑллӑ, Суворов ячӗллӗ хуҫалӑх техникӑна упрассине чи лайӑх йӗркелемелли республика конкурсӗнче 2-мӗш вырӑн йышӑннӑ. Кун пирки тунтикун округ администрацийӗн яваплӑ ӗҫченӗсемпе ирттернӗ планеркӑра пӗлтернӗ.