2000 çулхи ноябрĕн 30-мĕшĕнче Чăваш Республикин иккĕмĕш созыври Патшалăх Канашĕн черетсĕр 23-мĕш сессийĕнче Чăваш Республикин çĕнĕ Конституцине йышăннă. Вăл 2000 çулхи декабрĕн 10-мĕшĕнче вăя кĕнĕ.

Конституцие патшалăх тата хальхи граждан обществин аталанăвĕн тĕкĕрĕ тесе çирĕплетсех калама пулать. Вăл пĕр тытăмлă патшалăх акчĕ пулса тăрать, патшалăхăн тĕрлĕ енлĕ хутшăнăвĕсене çирĕп йĕркене пăхăнтарать. Аса илтересшĕн, вăйра тăракан хальхи Конституцие йышăниччен Чăваш Ен конституци актне туса хурассипе тата аталантарассипе истори пĕлтерĕшлĕ виçĕ тапхăр витĕр тухнă – 1926, 1937 тата 1978 çулсенче. 2000 çул – Чăваш Енĕн тăваттăмĕш Конституцине йышăннин истори пĕлтерĕшлĕ çулталăкĕ.