Пилӗк ҫул каялла республикӑра пӗлтерӗшлӗ тытӑм – ҫынсемпе влаҫ хушшинче тӳрӗ калаҫу ирттермелли уҫӑ лаптӑк – уҫӑлчӗ. Унӑн тӗп тӗллевӗ – кашни сӑмаха илтесси, кашни ыйту хуравне тупасси. Чӑваш Республикин Пуҫлӑхӗ Олег Николаев хӑйӗн телеграм-каналӗнче ҫапла пӗлтернӗ.

Регионӑн управлени центрӗ ҫав тери оперативлӑ сыпӑк пулса тӑнӑ, вӑл ыйтусене ахаль ҫырса пымасть, кашнин хыҫӗнче пӗр-пӗр ҫынна курать. Ҫынран килнӗ кашни пӗлтерӳ – ҫул ҫинчи шӑтӑк-и вӑл, ӗҫлемен хунар-и е пурнӑҫри кӑткӑс лару-тӑру – округ пуҫлӑхӗсемшӗн, министрсемшӗн, коммунальщиксемшӗн тата пур службӑшӑн та ӗҫлеме чӗнекен сигнал пулса тӑрать. Цифрӑсем хӑйсемех калаҫҫӗ: пилӗк ҫул хушшинче 360 пин ытла ыйту килнӗ. Ку – специалистсен профессионализмне тата пирӗн ҫынсен шанӑҫне тӳрремӗнех ҫирӗплетсе пани.