Сăн ÿкерчĕкре Ярапайкасси шкул директорĕн воспитанипе тата ача-пăча обществăлла организацийĕсемпе ĕçлекен советникне Светлана Силовăна куратăр. Ку шкулти ачасем округри, республикăри тата ун тулашĕнчи мероприятисенче тата ăслăлăх конкурсĕсенче пысăк çитĕнÿсем туса вĕрентекенсене савăнтараççĕ, шкул тата округ чысне хÿтĕлеççĕ.

Ĕçне кура – хисепĕ. Светлана Александровнăна тĕрлĕ Тав хучĕпе, Хисеп грамотипе чыслаççĕ, унăн ятне тĕрлĕ мероприятире ырăпа асăнаççĕ. Воспитани системине аталантарас мероприятисене хастар хутшăннăшăн вăл Чăваш Республикин Вĕренÿ министерствин Тав çырăвне тивĕçрĕ. Кун пек чыславсем пĕрре-иккĕ кăна та мар унăн. Малашне те туслă та пултаруллă коллективăн ăнăçусем ытларах пулччăр.