Чăваш Республикин Министрсен Кабинечĕн йышăнăвĕпе ятарлă çар операцине хутшăнакансен вăтам пĕлÿ паракан вĕренÿ заведенийĕсенче вĕренекен ачисене – ССУЗсен студенчĕсене – Чăваш Республикин Пуçлăхĕн стипендийĕпе тивĕçтереççĕ. Укçа хавхалантарăвĕ – 2500 тенкĕ.

Стипенди тивĕçес тесен вĕренÿ организацине документсен пуххине тăратмалла. Студент 23 çула çитсен, вĕренÿре ĕлкĕрейменрен ăна кăларса янă пулсан тата вĕренсе пĕтернĕ пулсан ăна стипенди тÿлеме пăрахаççĕ. Академи отпускĕ илнĕ вăхăтра та студента стипенди тÿлеме чарăнаççĕ. Аса илтеретпĕр, Чăваш Енте СВО участникĕсемпе вĕсен çемйисем валли пулăшăвăн 50 тĕрлĕ мелĕ вăйра тăрать.