Ял-хуларан йăлари çÿпĕ-çапăна турттарассипе ĕçлекен «Ситиматик Чувашия» оператор хăйĕн укçи-тенкипе регион валли çĕнĕ йышши 572 евроконтейнер туяннă. Çак вăхăт тĕлне пĕрремĕш 100 контейнера Шупашкар хулине илсе çитернĕ.

Контейнерсем туянни компани халăха йăлари çÿпĕ-çапăна тирпейлес услугăна лайăхлатассипе, инфраструктурăна тапхăрăн модернизацилессипе çыхăннă. Регион операторĕн информацийĕ тăрăх, çитес вăхăтра çĕнĕ контейнерсене республика хулисенче, округсенче лартса парĕç, çĕмĕрĕлнĕ тата кивелнĕ контейнерсене çĕннисемпе улăштарĕç.

– «Экологи ырлăхĕ» наци проекчĕн федерацин «Экономика замкнутого цикла» проекчĕ шайĕнче Чăваш Енте çÿпĕ-çапă сортламалли комплекс турăмăр, вăл Канаш округĕнче. Хальхи вăхăтра ку ĕç Патăрьел тата Муркаш округĕсенче пырать. Çÿпĕ-çапă сортламалли комплекс туни экологи тăнăçлăхĕпе тивĕçтерме, экологие тата регион экономикине чылай вăхăт усă кÿме май парать», – пĕлтерет Чăваш Республикин Çут çанталăк министрĕ Эмир Бедертдинов.

Чăваш Республикин Çут çанталăк министерстви.