«Газпром газораспределение Чебоксары» специалисчĕсем Москакассинчи çĕнĕ ача сачĕн блокпа модуль котельнăйне газ сечĕпе çыхăнтарнă.

Çак тĕллевпе кунта 173 метр тăршшĕ газ пăрăхĕ хунă. Газ килсе тăнине йĕркелекен пункт вырнаçтарнă. Хатĕрлев ĕçĕсене пурнăçланă. «Колокольчик» ача садне 160 ача çÿремелле. Ăна адреслă инвестици программипе туса лартнă. Пĕчĕккисене тĕрлĕ енлĕ аталанма кунта мĕнпур услови пур: капăр пÿлĕмсем, кĕвĕпе спорт залĕсем, вăйă лаптăкĕсем.