Чăваш Республики Андриян Николаев космонавт çуралнăранпа 100 çул çитнине уявлама хатĕрленет.

– Пирĕн мухтавлă ентеш Андриян Григорьевич Николаев çуралнăранпа 100 çул çитнине уявласси çинчен калакан указа алă пусрăм. Эпир ăна 2029 çулта паллă тăватпăр. Ку пĕлтерĕшлĕ дата – пĕтĕм Раççейшĕн асра тытмалли пулăм. Вăл пирĕн историпе наука уйрăмлăхне çирĕплетес ĕçе пысăк тÿпе хывĕ. Çавăнпа халех хатĕрленме тытăнмалла, – тенĕ Чăваш Республикин Пуçлăхĕ Олег Николаев. Республика правительствине йĕркелÿ комитечĕ туса хума тата мероприятисен комплекслă планне хатĕрлеме хушнă.

– Пирĕн Чăваш Енрен тухнă пĕрремĕш космонавта, икĕ хут Совет Союзĕн Геройне, авиаци генерал-майорне, çĕршыв космонавтикине аталантарас ĕçе пысăк тÿпе хывнă, паттăрлăх, ăслăлăх тата прогресс символĕ пулса тăнă ентеше тивĕçлипе сума сумалла, – тенĕ Олег Николаев.