Çу кунĕсем сисĕнмесĕрех хыçа юлчĕç. Шкул ачисен алла кĕнеке тытма, пĕлÿ çулĕпе утма вăхăт çитрĕ. Мĕн пĕлмелле-ха килте шкул ачин ĕç вырăнне йĕркеленĕ чух? Ĕç вырăнне ăçта вырнаçтармалла ?

– Чи лайăх вырăн – чÿрече патĕнче.

– Сылтăм алăпа çыракан ача валли çутă сулахай енчен ÿкмелле, сулахай алăллисемшĕн

– сылтăмран.

– Каç пулттипе вĕренме ачана сĕтел çи лампи кирлĕ тата пĕрлехи çемçе çутă.

– Ачасен пÿлĕмĕсем валли люминесцентлă лампăсем ан туянăр – вĕсем куçа ывăнтараççĕ.

– Ачасен ĕçлев пайне вылямалли вырăнтан уйăрăр – ача урок тăвассинчен ан пăрăнтăр. Вĕренÿ пÿлĕмĕнче стеллажсемпе, кĕнеке шкафĕпе тата ширмăпа усă курăр. Экспертсем ача урок тăвакан вырăна ытлашши çутă тума сĕнмеççĕ: ку вăл ачана концентрациленме чăрмантарать.

Ача урок тумалли сĕтелпе пукан пирки

– Вĕренекен ачан чавси сĕтел çинче выртмалла, урисен вара урайĕнче е урасем тĕкĕлемелли вырăнта тÿрĕ кĕтеспе вырнаçмалла.

– Сĕтел çи сарлака пулни вырăнлă: унта шкул ачи хăйĕн вĕренÿ кĕнекисене вырнаçтарма пултартăр тата ăна компьютерпа ĕçлеме тулли май пултăр. Сĕтелĕн сарлакăшĕ – 60-80 см, тăршшĕ – 120-150 см пулни вырăнлăрах пулнине шута илĕр.

– Çаврăнакан пукансем туянма сĕнÿ çук: вĕсем ачан кĕлетке тытăмне пăсаççĕ. Кун пек чухне çурăм шăммине тĕкĕ паракан ортопеди кресли лайăхрах шутланать. Сĕтел-пукан туяннă чух ăна ача ÿснĕçемĕн ÿстерме май пуррине пăхăр. Сĕтел çÿллĕшне палăртнă чух ачан ÿсĕмне шута илĕр:

– 115-130 см çÿллĕш ачана урок тума, кĕнеке вулама 52 см çÿллĕш сĕтел кирлĕ;

– 130-145 см – 58 см;

– 145-160 см – 64 см;

– 160-175 см – 70 см;

– 175 сантиметртан çÿллĕрех пулсан – 76 см.

Управ вырăнĕ

Ачана шкула ярсан, вăл хăйне вĕренме кирлĕ хатĕрсене ăçта упрасси пирки лайăх шутлăр. Вăл ачашăн та, сирĕншĕн те меллĕ пултăр:

– ешчĕксенче;

– сĕтел çинчи полкăсенче;

– çакса ямалли органайзерсенче;

– рюкзак çакмалли çекĕлте.

Шкула каякан ачăрпа шкул хатĕрĕсен меллĕ управне шута илĕр. Çакна валли шкафсемпе çÿлĕксем çине наклейкăсем çыпăçтарăр – ачана хăйне кирлĕ хатĕре шыраса тупма меллĕ пулать. Алă айĕнче вĕренÿре час-час кирлĕ пулакан кĕнекесемпе тетрадьсем пулни аван. Ыттисене тĕплĕрех управа хума та юрать.

Компьютер

Вĕренÿре усă куракан компьютерăн мониторĕ куçран 60-75 сантиметрта куç умĕнче пулмалла. Ачана ĕç вырăнĕ тивĕçтерет пулсан, унăн вĕренÿре ĕлкĕрсе пырасси те уксахламĕ.

Объясняем.рф.