Çурла уйăхĕн 16-мĕшĕнче Шупашкарта Чăваш Республикинчи çырла фестивалĕ 3-мĕш хут иртет. Вăл пахчаçăсене, фермерсене, çырла туса илекенсене, Раççей ялне аталанма пулăшакансене пĕрле пуçтарать.

Сире кунта фермер хатĕрленĕ тĕрлĕ продукци, кăçалхи тĕрлĕ çырла, çĕр ĕçченне кирлĕ техника, расна пакетсем, минераллă удобрени, çĕнĕ технологи кĕтет. Кунпа пĕрлех çĕр ĕçĕпе туслисем валли мастер-классем иртĕç. Унта хутшăнас текенсем валли ятарлă концерт программи иртĕ, ачасен выляв зони, лотерея вылявĕ, парнесем пулĕç. Фестиваль вырăнĕ: Шупашкар хули, Машинăсем тăвакансен проспекчĕ, 1 стр. 16. Фестиваль вăхăчĕ: 10.00 – 18.00 сехет. Çемьепех кĕтетпĕр. Килсе курăр, ан ÿркенĕр.