Чăваш Республикин Правительство çуртĕнче nэрнесерен ирттерекен канашлура сывлăх сыхлав министрĕ Лариса Тарасова çулталăкăн пĕрремĕш çурринче аслă çулхи çынсене диспансеризаци тунин пĕтĕмлетĕвĕпе паллаштарчĕ. Çак тапхăрта 322 пине яхăн çын медицина тĕрĕслевĕ витĕр тухнă. Репродуктивлă çулсенчи арçынсемпе хĕрарăмсен диспансеризацинче 61 пин ытла çын пулнă. «Пур кăтартупа та лайăх улшăну палăрать, çав хушăрах ĕçлемелли ыйтусем те пур. Çынсем больницăна, специалистсем патне çитме, тĕрĕслев тума, сывлăх шайне палăртма, чир-чĕр пулсан хăвăртрах сипленме пултарма мероприятисене тĕрĕс йĕркелесси пысăк пĕлтерĕшлĕ. Кунта эпир «çу ярса пăтăна япăхлатмастпăр», пур майпа усă курмалла. Тĕслĕхрен, эпир пĕр вăхăтрах диспансеризаци ирттеретпĕр тата ГТО программине хутшăнатпăр, çав хушăрах налук вычечĕ валли ирĕк илетпĕр. Ку – кашни çыншăн пĕлтерĕшлĕ. Профилактикăпа диспансеризаци программисемпе сывлăхшăн тăрăшма май паракан пурнăç мелне йĕркелетпĕр», – палăртать Чăваш Республикин Пуçлăхĕ Олег Николаев.

Чăваш Республикин Пуçлăхĕн Администрацийĕн пресс-служби.