Социаллӑ фондӑн Чӑваш Енри уйрӑмӗ пӗрлехи пособи палӑртнӑ чухне ҫамрӑксем ӗҫлесе илнӗ тупӑша шута илмест.

Ҫуллахи каникул вӑхӑтӗнче чылай сту­дентпа шкул ачи хушма укҫа ӗҫлесе илме май шырать. Ашшӗ-амӑшӗ вара ачан ҫулла­хи ӗҫ укҫине пӗрлехи пособи палӑртнӑ чухне мӗнле шута илесси пирки шухӑшлать.

Пӗрлехи пособи палӑртнӑ чухне 18 ҫула ҫитмен ҫамрӑксем ӗҫлесе илекен тупӑша ҫемьен пӗтӗмӗшле тупӑшне кӗртмеҫҫӗ. Ен­чен те ачасем шкулта е куҫӑн мар майпа аслӑ, ҫавӑн пекех вӑтам вӗренӳ заведений­ӗнче 6 уйӑхран кая мар вӗреннӗ пулсан. Ку норма 2024 ҫулхи июнӗн 1-мӗшӗнчен тытӑн­са ӗҫлет.

Ача вӗреннӗ вырӑнтан справка Социаллӑ фондӑн Чӑваш Енри уйрӑмӗн чи ҫывӑх кли­ент службине ҫитермелле.

Правилӑсем шкул ачисемпе студентсен хӑй тӗллӗн ӗҫленипе (самозанятые) тунӑ тупӑшӗсене те пырса тивмеҫҫӗ. Вӗсене ҫа­пах ҫемьен ҫын пуҫне тивекен вӑтам тупӑш­не шутланӑ чухне шута илеҫҫӗ. Ҫавӑн пекех пӗрлехи пособи правине палӑртнӑ чухне куҫӑмсӑр майпа вӗренекен 18 ҫултан пуҫла­са 23 ҫула ҫитичченхи студентсен тупӑшӗсе­не, вӗсен стипендийӗпе шалӑвне те шута илеҫҫӗ.

Чӑваш Енре паян 97 пин ытла ачан ашшӗ-амӑшӗ пӗрлехи пособи илет. Тӳле­ве ҫын пуҫне пурӑнмалли минимумран са­халрах тупӑшлӑ (15 428 тенкӗ) тата нормӑпа палӑртнӑ пурлӑхлӑ ҫемьесене параҫҫӗ. По­собие 12 уйӑхлӑха палӑртаҫҫӗ, ӑна 17 ҫула ҫитмен кашни ача валли илме пулать.

Палӑртнӑ тӳлев виҫи ҫемьен пурлӑх ла­ру-тӑрӑвӗнчен килет, вӑл регионти ачасен пурӑнмалли минимумӗн 50 , 75 е 100 про­ценчӗ пулма пултарать.

Чӑваш Республикинче ачашӑн пурӑнмал­ли чи пӗчӗк укҫа виҫине 14 965 тенкӗ чухлӗ палӑртнӑ, ҫавна кура ачасемшӗн тӳлемелли укҫа 7 485 тенкӗ те 50 пусран пуҫласа 14 950 тенкӗ таран улшӑнса тӑрать.

Ҫуллахи кану тапхӑрӗсенче ӗҫлени стра­ховани стажне кӗрет, вӗренекенсене хӑйсен пенси коэффициентне ӳстерме май парать.

Социаллӑ фондӑн Чӑваш Енри уйрӑмӗ пенси прависене йӗркелеме ӗҫе официал­лӑ майпа вырнаҫсан кӑна май пуррине аса илтерет.

СФР Чӑваш Енри уйрӑмӗн пӗрлехи ҫыхӑну центрӗ: 8-800-100-00-01 (шӑнкӑрав тӳлевсӗр).