Чăваш Республикин Пуçлăхĕ Олег Николаев пуçарнипе «Сывлăх патне пĕр утăм» проект пурнăçа кĕнине пирĕн вулакансем аван пĕлеççĕ. Кун пирки иртнĕ номерте те çыртăмăр.

Пирĕн округра çак проект июнĕн 27-мĕшĕнче Муркашра старт илчĕ. Ун хыççăн район тĕп больницин тух­тăрĕсем Мăн Сĕнтĕрте, Кашмашра, Турайра пулчĕç. Вырăнти çынсем пысăк кăмăлпах хăйсен сывлăхне тĕрĕслеттерчĕç. Ара, питĕ меллĕ, Муркаша кайса çÿремелле мар.

Июлĕн 19-мĕшĕнче вара Муркаш тухтăрĕсем Ярославкăна çитрĕç. Яланхи пекех ку тăрăхри ял çынни­ сем хăйсен сывлăхне пур енлĕ тĕрĕслеттерме пултарчĕç. Меди­цина ĕçченĕсем вĕсене сĕнÿ-ка­наш пама та манмарĕç. Пĕтĕмпе 215 çын хăйĕн сывлăхне тĕрĕслет­терчĕ.

Тухтăрсен бригади çу каçи­пех ялсем тăрăх çÿреме палăр­тать. Июлĕн 25-мĕшĕнче Сывлăх пункчĕ çынсене Муркашра 10 сехетрен пуçласа 15 сехетчен йышăнать.