Раççей ял хуçалăх министрĕ Оксана Лут Чăваш Республикинче ĕçлĕ çул çÿревпе пулчĕ. Чăваш Республикин Пуçлăхĕпе Олег Николаевпа вăл тĕрлĕ тĕл пулăва хутшăнчĕ.

 Малтан Олег Николаевпа Оксана Лут ре­гионти ял хуçалăх аталанăвне тата малашлăх тĕллевĕсене сÿтсе яврĕç.

Тĕл пулу хыççăн вĕсем ял хуçалăхĕнче ăнăçлă вăй хуракан 17 ĕçчене тивĕçлĕ на­градăпа чысларĕç.

Унтан Олег Николаевпа Оксана Лут çĕнĕрен уçăлнă «Пехет» агромаркетра пулчĕç.

Çакăн хыççăн вĕсем Чăваш патшалăх аграри университетне çитрĕç. Кунта специа­листсем хатĕрленипе паллашрĕç. Чи лайăх паллă илнĕ 20 выпускника дипломсем пачĕç.

Унтан республика ертÿçипе министр Хăм­ла ÿстерессипе ĕçлекен центрта пулчĕç. Кун­та хăмлана пур енлĕ тишкерекен лаборатори ĕçĕпе кăсăкланчĕç.

Каярахпа Олег Николаевпа Оксана Лут ăратлă выльăх сутакан Пĕтĕм Раççейри аук­ционта пулчĕç. Аукциона 29 лот тăратнă, чи хакли 530 пин тенкĕпе сутăннă.

Кун хыççăн республика ертÿçипе министр Çĕрпÿ округĕнчи Чурачăкри çĕнĕрен тунă шкулта пулчĕç. Ку тăрăхра территорие ком­плекслă аталантарас опыта тишкерчĕç.

Юлашкинчен вĕсем Вăрнар округĕнчи хăм­ла пуссине çитсе курчĕç.

Тĕрлĕ мероприятипе пуян куна пĕтĕмлетсе Оскана Лут республикăра ял хуçалăхĕ ăнăçлă аталаннине, кунта ĕçчен çынсем пурăннине палăртрĕ.