Республикăри ипотека программи пулăшнипе 230 çемье хваттер туяннă.

Чăваш Республикин Пуçлăхĕ Олег Николаев йышăнăвĕпе ăна малалла тăснă. Программа ипотекăпа хваттер туяннă чухне пĕрремĕш взноса (20 про­цент) тÿлеме май парать.

Программа 4 уйăх каялла вăя кĕнĕ, çак тапхăрта 230 çемье финанс пулăшăвне тивĕçнĕ.

Асăннă программа валли республи­ка бюджетĕнчен 500 млн тенкĕ уйăр­нă. Çак укçа-тенкĕ 400 çемьене яхăн пулăшма май парать.

Ипотекăна тивĕçме заявкăсене му­ниципалитет округĕн администраций­ĕнче йышăнаççĕ. Асăннă ипотекăна çамрăк тата нумай ачаллă çемьесене, СВО участникĕсене тата çар ĕçĕн вете­ранĕсене, инвалидсене, патшалăх тата муниципалитет служащийĕсене, бюд­жет ĕçченĕсене, çамрăк специалистсе­не тата ытти категорири граждансене параççĕ.

Тĕплĕнрех ипотека программи çин­чен республикăри Строительство мини­стерствин сайтĕнче пĕлме пулать.