Муркаш округĕнче суйлав иртнине общественноç енчен пăхса тăракан территори штабĕ йĕркеленĕ.

Чăваш Республикин Пуçлăхĕн суй­лавĕ сентябрĕн 14-мĕшĕнче иртет. Штаб йĕркеленин тĕллевĕ – суйлава тивĕçлĕ шайра ирттересси, граждансе­не суйлав правине пурнăçлама майсем туса парасси. Суйлав иртнине обще­ственноç енчен пăхса тăрассине йĕрке­лесси те штаб тивĕçĕ шутланать.

Штаб сăнавçăсен ĕçне йĕркелет. Кунта юридици, информаци, эксперт, мониторинг ушкăнĕсем йĕркеленĕ.

Штаба Муркаш округĕн Общество палатин председателĕ Владимир Ники­тин ертсе пырать.

– Территори штабĕ ячĕпе пурне те суйлава активлă хутшăнма чĕнетĕп. Граждансене суйлава уççăн ирттерес ĕçе хутшăнма ыйтатăп. Пĕрле эпир тĕрĕс тата саккунлă суйлав ирттерме пултарăпăр, – тенĕ вăл.