Сăн ÿкерчĕкре «Путене» ача сачĕн воспитательне Галина Лоцмановăна куратăр. Çак ĕçре вăл çирĕм пилĕк çул ытла ĕçлет. Аслă категориллĕ специ­алист хăйĕн тивĕçне тÿрĕ кăмăлпа пурнăçлать. Ăна коллектив, ачасемпе ашшĕ-амăшĕ хисеплеççĕ.

Унăн ĕçне тĕрлĕ наградăпа хакланă. Пысăк шайрине иртнĕ çул тивĕçрĕ. Вĕренÿ сферинче нумай çул тÿрĕ кăмăлпа тăрăшса вăй хунăшăн, çитĕнÿсем тунăшăн Га­лина Вячеславовнăна Раççей Федерацийĕн Çут ĕç министерствин Хисеп грамоти­пе чысларĕç. Çаксенчен те сумлăраххи – ача-пăчапа ашшĕ-амăшĕн тав сăмахĕ.