Чăваш Республикинче пĕрремĕш фермер агромаркечĕ уçăласси пирки Чăваш Ен Пра­вительствин ертÿçи Сергей Артамонов хăйĕн телеграм-каналĕнче пĕлтерчĕ. Вăл Чăваш Ре­спубликин Пуçлăхĕ Олег Николаев сĕнĕвĕпе ĕçлеме тытăнать.

«Пехет» агромаркет паян, июлĕн 18-мĕшĕнче, «Каскад» суту-илÿ центрĕнче ĕçлеме пуçлать. Çак уява савăнăçлă, илемлĕ тата тутлă ирттер­ме палăртаççĕ. Подрядчик ĕçлеме пуçланăранпа кунти лаптăк йăлтах илемленсе ларнă, ви­тринăсене йывăçран тунă, ытти япалана та йăл­тах эрешлетсе илемлетнĕ. Суту-илÿ лаптăкĕн­че наци колоричĕ, чăвашлăх палăрать, чăваш ÿнерçисен тăрăшулăхĕ лайăх курăнать. Кунти кашни япалана чуна парса тунă.

Агромаркетра 40 ытла производителĕн эколо­ги тĕлĕшĕнчен пысăк пахалăхлă тĕрлĕ продук­цине сутаççĕ: аш-пăш, сĕт-çу, пахча çимĕç, пыл, сыр тата ытти çимĕç пулĕ сутлăхра. Унсăр пуç­не кунта килекен кашни хăна халăх промыслипе паллашĕ, сувенир туянма пултарĕ.

Унта кайса çÿреме меллĕ пултăр тесе çул-йĕр бригади обществăлла транспорт чарăнăвĕ йĕрке­ленĕ. Кунта 5 тата 13 номерлĕ хула транспорчĕн маршручĕсем çÿреççĕ.

«Пехет» сăмаха вырăсла куçарсан «изоби­лие, достаток, богатство» тенине пĕлтерет. Вăл «Каскад» суту-илÿ центрĕн цоколь хутĕнче вы­рнаçнă, лаптăкĕ – 4,2 пин тăваткал метр. Ăна республикăра пурăнакансене тата хăнасене эко­логи тĕлĕшĕнчен паха чăваш продукцийĕ сĕнес, çĕнĕ йышши фудкорт йĕркелес тĕлĕшпе тунă. Проектпа пăхнă тăрăх, унта 50 суту вырăнĕ тата обществăлла апатланăвăн 4 точки пулмалла. Çак лаптăка пĕр харăс 1050 çын вырнаçать.