Пирĕн республика Мускавра иртекен пĕтĕм тĕнчери туристсен «Путешествуй» выставкине хутшăнать. Чăваш Республикипе паллаштаракан лапамран çынсем татăлмаççĕ. Муркашсем те кунта хăйсен пултарулăхне кăтартрĕç. «Екрем» фольклор ансамблĕ мускавсене тури чăвашсен ташши-юррипе савăнтарчĕ. Ал ĕç ăстисем тĕрлĕ япала хатĕрлеме вĕрентрĕç. Аниматорсем хавас кăмăл парнелерĕç.