Августӑн 20-мӗшӗнчен пуҫласа сентябрӗн 5-мӗшӗччен участоксенчи суйлав комиссийӗсен членӗсем республикӑра пурӑнакансене суйлавсем ҫинчен килӗрен ҫӳресе пӗлтереҫҫӗ. Кун пирки Чӑваш Республикин Суйлав комиссийӗ хыпарлать.

Чӑваш Республикинче информаципе ӑнлантару ӗҫне 2700 ытла ҫын – участоксенчи суйлав комиссийӗсен членӗсем – хутшӑнать. Комисси членӗсем ҫакна каласа параҫҫӗ:

- сасӑлав хӑҫан тата ӑҫта иртӗ;

- хӑвӑрӑн суйлав участокне мӗнле тупмалла;

- сасӑлавӑн мӗнле формисем пур;

- хушма информацие ӑҫта илмелле.

Сирӗн пата пынӑ комисси членне «ВЫБОРЫ ЧУВАШИЯ» тесе ҫырнӑ шурӑ манишкӑпа, ята ҫырнӑ бейджпа, суйлав комиссийӗн членӗн удостоверенийӗпе тата брендланӑ сумкӑпа пӗлме пулать. Иккӗленетӗр пулсан килен-каяна удостоверени кӑтартма ыйтӑр, унта кӑтартнӑ даннӑйсене бейджпа тӗрӗслӗр. Комисси членӗн аллинчи смартфон ӗҫ хатӗрӗ шутланать. Ятарлӑ мобильлӗ приложенире УИК членӗ сире информаци пӗлтернине палӑртать.

Асӑрхӑр: «ИнформУИК» пайташӗсем СМСри кодсене, банк карттин даннӑйӗсене, "Госуслуги" порталти

логинсене е парольсене пӗлтерме ыйтмаҫҫӗ, приложени вырнаҫтарма сӗнмеҫҫӗ, укҫа куҫарма хушмаҫҫӗ. Енчен те килен-каян асӑннӑ ӗҫсенчен пӗрне те пулин тума ыйтать пулсан, сирӗн умра проекта хутшӑнакан мар. Аса илтеретпӗр, «ИнформУИК» проект агитаци туни мар. Сирӗн пата пыракансем пӗр-пӗр партишӗн е кандидатшӑн сасӑлама ӳкӗте кӗртмеҫҫӗ, суйлавҫӑ хӑйӗн сассине кама пама палӑртнине ыйтмаҫҫӗ, суйлав пирки ҫеҫ пӗлтереҫҫӗ. Калаҫу темиҫе минут тӑсӑлӗ, сентябрӗн 18, 19 тата 20-мӗшӗсенчи сасӑлав пирки тӗп информаци сирӗн патӑрта официаллӑ лифлетра юлӗ. Муркаш округĕнче ку ĕçе участоксенчи суйлав комиссийĕсен 76 пайташĕ хутшăнать. Вĕсем ял çыннисене суйлавсем пирки пĕлтерме тытăннă та ĕнтĕ