Сире Пӗлӳ кунӗпе саламлатӑп! Ҫакӑ Чӑваш Енре пурӑнакан пӗтӗм ҫыннӑн уявӗ, кашни ҫемьере тенӗ пекех шкула ҫӳрекен ачасем, студентсемпе педагогсем пур-ҫке. Пӗрремӗш шӑнкӑрава шкула пуҫласа каякан ачасем уйрӑмах савӑнса кӗтеҫҫӗ – кӑҫал 11 пин ача пӗрремӗш класа каять. Вӗсене халиччен пӗлмен ҫӗнӗлӗхсем, кӑсӑк вӗренӳ тата шанчӑклӑ туссем кӗтчӗр. Шкултан вӗренсе тухакансене умри ҫула шанчӑклӑн суйласа илме сунатӑп. Студентсене – професси еннелле выртакан ҫулпа тимлӗн те хастарлӑн утма. Ҫакна асра тытӑр: пӗлӳ вӑл – сирӗн пуласлӑхӑрӑн ҫирӗп никӗсӗ.

Вӗрентекенсене – уйрӑм тав сӑмахӗсем. Республикӑра 20 пин ытла педагог вӑй хурать. Шкулсем хальхи вӑхӑта юрӑхлӑ пулччӑр, сирӗн ӗҫ условийӗсем вара хӑтлӑланса пыччӑр тесе эпир хамӑртан килнине пӗтӗмпех тӑватпӑр. Тарӑн ӑсӑршӑн, чӑтӑмлӑхӑршӑн тата ачасене чунтан юратнӑшӑн сире пурсӑра та пысӑк тав. Хаклӑ ашшӗ-амӑшӗ, ҫӗнӗ вӗренӳ ҫулӗ сире хӑвӑрӑн ачӑрсемшӗн мӑнаҫланма ытларах та ытларах майсем парнелетӗр.

Ҫак ҫул сирӗншӗн тулли те тухӑҫлӑ пултӑр! Ҫӗнӗ пӗлӳсемпе ҫитӗнӳсем еннелле утма телейлӗ ҫул сире!

Чӑваш Республикин Пуҫлӑхӗ Олег НИКОЛАЕВ.