«Иртнисӗр пуласлӑх ҫук» – ҫак сӑмахӑн тӗрӗслӗхне пурте пӗлеҫҫӗ. Хӑйсен ял ҫыннисен историне Калмӑккасси ялӗнче пурӑнакансем те ӗмӗрлӗхе асра хӑварма шут тытнӑ.

Пӗлтӗр, «Ниме – Халӑх бюджечӗ» программӑпа килӗшӳллӗн 2026 ҫулхи проектсене палӑртас кампани пуҫлансан, ял ҫыннисем Тӑван ҫӗршывӑн Аслӑ вӑрҫине хутшӑннӑ ентешсене асӑнса палӑк-мемориал лартма шутланӑ. Шухӑшланине республика пулӑшнипе тата ҫынсем хӑйсен тӳпине хывнипе пурнӑҫа кӗртрӗҫ. Проектӑн пӗтӗмӗшле хакӗ 553,4 пин тенкӗпе танлашнӑ, ҫав шутран:

- республика бюджечӗ – 315,4 пин тенкӗ,

- вырӑнти бюджет – 182,6 пин тенкӗ,

- халӑх укҫи-тенки – 55,4 пин тенкӗ.

Ҫак ялтан Тӑван ҫӗршывӑн Аслӑ вӑрҫи ҫулӗсенче фронта 24 ҫын тухса кайнӑ, вунҫиччӗшӗ ҫеҫ каялла таврӑннӑ. Паян вӗсем пирӗнпе юнашар ҫук ӗнтӗ. Ҫӗнӗ палӑк-мемориал ҫӗнтерӳҫӗ салтаксем пирӗн чӗресенче упраннине ялан аса илтерӗ.