Муркаш округӗнче Мана-Мар юхан шывӗ ҫинче республикӑри шыравпа ҫӑлав службин ӗҫченӗсем вилнӗ арҫыннӑн кӗлеткине шывран кӑларнӑ. Пӑтӑрмах лару-тӑрӑвне уҫӑмлатаҫҫӗ.

Ҫу пуҫланнӑранпа республикӑри шывсем ҫинче тӑхӑр инкек пулнӑ. Шыв вунӑ ҫын пурнӑҫне татнӑ, вӗсенчен виҫҫӗшӗ – ҫул ҫитменнисем. Раҫҫей МЧСӗ ҫапла аса илтерет:

• пляжсенче тата ҫакӑн валли хатӗрленӗ вырӑнсенче ҫеҫ шыва кӗрӗр;
• буйсем хыҫне ан ишӗр, карапсем патне ан ҫывхарӑр;
• шыв хӗрринче ачасене пӗр минутлӑха та тимлӗхсӗр ан хӑварӑр;
• ӳсӗрле шыва ан кӗрӗр;
• кимӗ ҫинче ятарлӑ жилет тӑхӑнӑр.

Астӑвӑр – шыв йӑнӑша каҫармасть!