Юнкун пирĕн округра, мĕнпур республикăри пекех, Пĕрлехи информаци кунĕ иртрĕ. Тĕл пулусенче Чăваш Республикин Пуçлăхĕн «Ниме – Халăх бюджечĕ», «Мирлĕ пурнăçа – утăм», «Чăваш Енĕн çутă çу кунĕсем» проекчĕсене пурнăçланине сÿтсе яврĕç.

Малтан Муркаш округĕн администрацийĕн пуçлăхĕн пĕрремĕш çумĕ – территорисене тирпей-илем кĕртес тата аталантарас управлени ертÿçи Андрей Мясников тата ЧР çут çанталăк ресурсĕсемпе экологи министрĕн пĕрремĕш çумĕ Ольга Александрова администрацире граждансен йышăнчĕç. Унтан вĕсем Москакассинчи ача сачĕн коллективĕпе тĕл пулчĕç, Ахманери универсаллă спорт площадкине çитсе курчĕç, ял çыннисен ыйтăвĕсене хуравларĕç.