Республика правительствин постановленийӗпе хупӑ цикл экономикине куҫмалли регион программине ҫирӗплетнӗ. Документ йӑлари ҫӳп-ҫапа (ТКО) тирпейлемелли тытӑма тӗпрен улӑштарма тӗллев лартнӑ.

Программӑпа 2030 ҫул тӗлне ҫӳп-ҫапа ҫӗр проценчӗпех сортлама палӑртнӑ. Паян ку кӑтарту 65,4 процентпа танлашать. Кун пек чухне чавса пытармалли калӑпӑша икӗ хута яхӑн чакарма палӑртнӑ – 97,7 процентран 50 процента ҫити. Мӗнпур ҫӳп-ҫапӑн чӗрӗк пайне тирпейлесе иккӗмӗш чӗр тавар вырӑнне хуҫалӑх ҫаврӑнӑшне тавӑрма палӑртнӑ. Пӗрремӗш практика утӑмӗсене 2026 ҫултах тӑвӗҫ. Патӑрьелпе Муркаш округӗсенче икӗ комплекс ӗҫлеме тытӑнӗ. Вӗсенчен кашни 30 пин тонна ҫӳп-ҫап сортлӗ. 2029 ҫулта Ҫӗнӗ Шупашкарта компостлакан участок хута кайӗ. Унпа пӗрлех Чӑваш Республикин Ҫут ҫанталӑк министерстви «Таса ҫӗршыв» тата «Симӗс экономика» проектсен шайӗнче строительство каяшне тирпейлемелли регламент хатӗрлӗ. Вырӑнти администрацисем вара чӗр тавар йышӑнмалли пунктсем йӗркелӗҫ.