Сăн ÿкерчĕкре Шатракасси шкулĕн хастар педагогне Ольга Вишневăна куратăр. Вăл ачасене тăван чĕлхене юратма, унпа хăпартланма вĕрентет. Ку енĕпе учитель чылай ĕç тăвать. Ольга Александровна хăй тĕллĕн тата ытти авторпа пĕрле пĕлÿ парас енĕпе тĕрлĕ методика пособийĕ пичетлесе кăларнă. Учительпе унăн вĕренекенĕсем – тĕрлĕ конкурс çĕнтерÿçисем. Çавăн пекех педагог чăвашла сăвă йĕркисем шăрçалама ăста. Тăрăшулăхне кура Ольга Вишневăна Раççей Федерацийĕн Вĕренÿ министерствин Хисеп грамотипе чысланă. Раççей Федерацийĕн пĕтĕмĕшле вĕренĕвĕн хисеплĕ ĕçченĕ республика грантне тата ытти наградăна тивĕçнĕ.