Чăваш Республикин Министрсен Кабинечĕн мартăн 31-мĕшĕнчи 172 номерлĕ постановленийĕпе килĕшÿллĕн Чăваш Республикин территорийĕнче кăçалхи апрелĕн 10-мĕшĕнчен тытăнса пушартан сыхланас уйрăм тапхăр пуçланчĕ.

Ку тапхăрта çакăн пек йĕркене пăхăнмалла:

1. Граждансен пушар хăрушлăхĕн IV-V шайĕ вăхăтĕнче транспорт хатĕрĕпе тата ахальлĕн вăрмана кайса çÿреме тăхтаса тăмалла. 2. Вăрман фончĕн тата ун çывăхĕнчи лаптăкра кăвайт чĕртме, унта апат-çимĕç хатĕрлеме, çÿпĕ-çапă таврашне чĕртсе çун­тарма юрамасть.

3. Вăрманлă лаптăксем çывăхĕнчи çĕр çинче, ял хуçалăх пĕлтерĕшлĕ çĕр çинче, типĕ курăка çунтарма тата пушар хăруш­лăхлĕ ытти ĕç тума юрамасть.

Пушартан сыхланмалли уйрăм тапхăрта Ильинкăри участок лесничествинче уйрăм тимлĕх кирлĕ лаптăксене асăрхаса тăма мо­бильлĕ ушкăн йĕркеленĕ, 3 шлагбаум лартнă, çынсемпе çут çанталăк сыхлав тематикипе ăнлантару калаçăвĕсем 16 ирттернĕ, хаçатра çынсене вуласа пĕлме 1 статья пичетленет. Çавăн пекех çÿлерех асăннă постановле­ние ăнлантарса тата вут-çулăм тухассинчен асăрханас тĕлĕшпе 12 пĕлтерÿ çакнă.

Вăрманта вут-çулăм тухнине асăрхасан телефон çине 112 е 8 (8352) 40-24-00 е 01 но­мерсемпе шăнкăравламалла.

А. МИХАЙЛОВ, Ильинка участок лесничествин участок ертÿçи.