«Оринино» хуҫалӑхра отчет пухӑвӗ иртнӗ. Унта пӗлтӗрхи ӗҫе пӗтӗмлетсе малашнехи тӗллевсене палӑртнӑ.

Ял хуҫалӑх предприятийӗн ертӳҫи Алексей Прокопьев хуҫалӑх ӗҫченӗсем производст-вӑна самай ӳстерме пултарнине палӑртнӑ: аш-какай – 27,5 процент, сӗт – 13,5 процент.

Ҫав хушӑрах пӗр ӗне пуҫне сӗт сӑвасси вӑтамран 13,5 процент ӳссе 6561 кг танлашнӑ.

Пухура ҫурхи уй-хир ӗҫӗсене хатӗрленесси ҫине уйрӑмах тимлӗх уйӑрнӑ. Алексей Прокопьев ҫурхи акана пысӑк яваплӑхпа тата кӗске вӑхӑтрах ирттерессе шаннине пӗлтернӗ. Вӑл хуҫалӑхра ӗҫлекенсене пурне те пӗрлехи ӗҫе тӳпе хывнӑшӑн тав тунӑ.