Чӑваш Енре «Время СВОих» программӑпа вӗренсе тухакансене дипломсем панӑ.

Чӑваш Республикин Пуҫлӑхӗ Олег Николаев ҫак пулӑма историллӗ тесе каланӑ.

Малти линирен таврӑннӑ хӳтӗлевҫӗсем тӑван ен ырлӑхӗшӗн ӗҫлес тесе регионти ҫӗнӗрен хатӗрлемелли программа витӗр тухнӑ. Вӗсен ҫапӑҫури опычӗ тата ҫӗнӗ пӗлӗвӗ хӑватлӑ вӑй пулса тӑрать.

Чӑваш Ен ҫакӑн пек пысӑк «карьера лифтне» хута янӑ пӗрремӗш регионсенчен пӗри пулса тӑнӑ. Программа питӗ пысӑк интерес ҫуратнӑ: 25 регионтан 400 яхӑн заявка килнӗ. Вӗренсе пӗтеричченех тӑватӑ ветерана ӗҫе илнӗ.

Выпускниксем влаҫ органӗсенче тата республикӑри предприятисенче ответлӑ должноҫсем йышӑнасса кӗтеҫҫӗ.